ازاي ننسى الماضي المؤلم

 كل واحد فينا بداخله الصندوق الاسود اللي شايل ذكريات كتييير قوي في منها الحلو وفي منها الوحش  طب ليه الوحش كل شويه يجيلنا

 ويفضل يرخم علينا عالفاضي والمليان طب ماتيجي نسال هنا سؤال هو ينفع نغير الماضي؟ طب مافيه سؤال اهم انا محتاج اغير

 الماضي؟ ازاي ارجع لحاجه انتهت من زمن والعب فيها؟ معظمنا عنده مشكلة في حياته او شخص معين مش عارف ينساه سواء حبيب

 او صديق او ممكن مثلا عميل في الشغل اوموقف معين اتحطينا فيه ومش عارفين نتصرف فيه فسببلنا ذكرى وحشة والموضوع دا

 مسيطر علينا وبيجيلنا كل شويه يرخم علينا وبرضو مش عارفين ننساه ونبدا نسال نفسنا السؤال اللي كلنا بساله انا اصلا شخص

 ذاكرتي ضايعة يبقى اشمعنا الموضوع ده او الشخص دا بالذات مش عارف انساه ...

 حقيقة عن الماضي 

الحقيقة الماضي بيشكل جزء كبير جدا من الحاضر بتاعنا والمستقبل اللي رايحين عليه التجارب اللي مرينا بيها سواء سلبية او ايجابيه هي اللي بتشكل شخصيتنا وردود افعالنا تجاه العالم اللي حوالينا  الماضي  رغم انه مالوش و جود وسطنا الوقتي الا انه عامل زي قوة  مسيطرة بتتحكم في حياتنا عشان تعرف تغير الماضي محتاج تعرف ايه هو الماضي اصلا لو جيت بصيت هتلاقي الماضي عبارة عن شئ وهمي مس وموجود الوقتي حاجه خلصت من فترة طويله قوي وعدت بقى مكانها شوية ذكريات تفضل تلف وتروح وتلف وتروح لحد ماتلاقي وقت معين تعرف تصطاد مشاعرك فيه وتاثر عليك وطبعا دا بياثر عالحاضر بتاعك والمستقبل اللي انت رايحه طب الذاكرة اصلا بتبقى شايله الافكار دي بتشتغل ازاي وليه الافكار دي تحديدا اللي بفتكرها فيه تجارب كتير قوي اتعملت على موضوع النسيان ده وبالذات موضوع الذاكرة وهكلمكم عن تجربة معينه اتعملت من 6 سنوات في جامعة كاليفورنيا الدراسة دي كانت بتحاول تفهم يعني الذاكرة او النسيان تحديدا وصلوا ان ذاكرة الانسان مش حاجه ثابته يعني حاجه مش عاملة زي المخزن او الدولاب  اللي هو مجموعة افكار يوم مااحب اطلع حاجه اخش اسحبها اتفرج عليها وافتكرها وارجعها تاني لا الذاكرة عبارة عن حاجه ديناميك او حاجه متغيرة لما احب افتكر فكرة معينه كاني بسلط عليها ضوء التركيز بركز فيها ببدا افتكر كل تفاصيلها واعيش الحالة بتاعتها ولما بتعمل كده فانت بتقوي الروابط العصبية المسئولة عن الذكرى دي بتخليها دايما حاضرة جوة دماغك فالعقل بيبدا يعطي اهتمام للذكرى دي وينسى مع الوقت الذكريات التانيه دي ماانا اعطيت اشارة للعقل ان الذكرى دي بس اللي مهمه وباقي الذكريات  مش مهمة فينسى التانيين ويركز على دي ويفكرك بكل تفاصيلها والكلام ده على فكرة خطير جدا انت عارف انت بتعمل ايه انت كانك قاعد بتحفرها جوه دماغك وبتثبتها اكترى عشان تعيش نفس الحالةاللي كنت عايشها قبل كده فانت تقريبا بتعيد انتاج نفس الوجع تاني  تاني وبتزيد  فيه فبالتالي يتاثر الحاضر والمستقبل تاثير سلبي بسبب حاجه مالهاش وجود في حياتك الوقتي

هقولك تعمل ايه بس قبل مااقولك محتاج اسالك سؤال واحد بس هي مش الذكري دي عدت خلاص طب ليه انت حابب تعيش في الماضي الماضي ده عبارة عن شوية افكار لو حاولنا اننا نغير نظرتنا ليها هتلاقي الماضي تلقائي بدا يتغير معايا عشان طريقة نظرتنا هي بتحدد طريقة تاثيرها عليا سواء بالسلب او بالايجاب تجربة عاطفية مريت بيها ومانجحتش هل معنى كده انم ماتستحقش او ان انت وحش لا بالعكس ممكن تشوف حاجات كتييرةجدا زي مثلا انك عرفت تفرق بين الصح والغلط في الوقت المناسب او نقول الحمدلله اننا خرجنا منها على كده لعله خير الله اعلم كان ممكن يحصل ايه ومش معنى انك مانجحتش في انترفيو معين انك فاشل اوان انت ما تستحقش المكان ده لا هي تجربةوعدت واكيد انت اتعلمت منها حاجه بمجرد ماتفهم المشكلة كانت في التجربة دي ايه بتعرف بتصلحها في اللي جاي مابتوقعش نفس الوقعة يعني بتتعلم من اخطاءك مشروع عملته مثلا وفشل مش معنى كده ان المشروع وحش او ان انت فاشل بص للوضوع منحته تانية ممكن يكون فيه شوية اسباب صغيرة جدا هي اللي وصلتك للنتيجة دي او ان انت ماكنتش جاهز كفاية للمشروع ده لكن مش معنى كده ان انت وحش  لازم تفهم المشكلة فين لازم تفهم ايه اللي بيحصل ليه دايما بننظر لنص الكوباية الفاضي الفكرة ان طريقة نظرتنا لكل حاجه هي اللي بتحدد شكل الذكريات عندنا عامل ازاي هي اللي بتاثر عاللي فات وتدمر اللي جاي لو انت في ذكرى معينة في دماغك سلبية وكل شوية تجيلك وتعكنن عليك واكيد كلنا كده او عدينا حاجه زي كده فحاول تفكر فيها واحنا بنتكلم الوقتي وحاول تفتكر ذكرى تانية ايجابية وياريت تكون حصلت في نفس الوقت ده حاجه فرحتك خبر كويس اي حاجه اثرت على مشاعرك تاثير ايجابي سفرية حلوة مع اصحابك وياريت تفتكر كل تفاصيلها جمع كمان ايه اللي كنت لابسه كنت مع مين كنتم بتعملوا ايه اي تفصيله ولوكانت مش مهمة اليوم كان عامل ازاي الساعة كانت كام حاول تجمع تفاصيل اليوم كله اختار الوقتي يلا وانت بتقرأ كلامي ده اختار اي ذكرى ايجابية حصلت في نفس الفترة دي وابدا يلا كل مايجيلك الذكرى السلبية دي حط مكانها مكانها الايجابية دي وهكذا اهتم بيها اكتر خليها حاضرة دايما في دماغك عشان تاخد مكان الذكرى السلبية دي وخلي بالك التجربة اللي احنا بنجربها مع بعض الوقتي دي ذكرى ايجابية فهتخليك ايجابي كل ماتفتكرها تاني حاجه لما بتبدا تفتكرها بكل تفاصيلها بتبدا تعطي طاقة تركيزاكتر عالذكرى دي وفي نفس الوقت بتقلل طاقة التركيز اكتراللي رايحة للذكرى التانية السلبية فالذكرى الايجابية تبدا في التقدم والسلبية تبدا في التراجع بالتدريج لانك ما بتفكرش فيها والحاجه التانية لما بتركز مع الذكرى الايجابية دي بدات تتحفر في دماغك زي ماقولنا من شوية واكيد دي حاجه كويس كدا عشان الذكري دي كانت حلوة وياريت تفتكرها كل شوية العملية دي اسمها النسيان المحفز بالتذكيريعني نفس العمليه اللي بتعملها عشان تفتكر الذكرى السلبية بس بنغير الذكرى من سلبية الى ايجابية وبكده التاثير السلبي اللي بياثر على الحاضر والمستقبل بتاعك اتحول الى تاثير ايجابي كده كده الماضي حصل والذكرى مش هتعرف تشيلها من دماغك بس عالاقل ماتفتكرهاش تاني او انساها مع الوقت بان كل ماتخطر على بالك تلهي نفسك بحاجه تانية لحد ماعقلك يفهم انها مش مهمة وتنساها تماما انت ياسيدي الماضي انتهى انت ليه عمال تفتكرفيه كل شوية مانت كده بتضر نفسك

وقبل ما نتنقل للخلاصة انا هرد على سؤال في الغالب هتسال لي ان الكلام ده اكيد كلام كتب او كلام نظريات ومش من السهل ان الواحد يعمل كده دا  مهما كان كلام وخلاص وانه من شبه المستحيل ان حد يعرف  ينفذ ده هل الصعب عليك انك تدرب نفسك على طريقة معمول عليها دراسات وممكن فعلا تجيب نتيجة معاك وتغيرلك حياتك خصوصا ان ده علم ولاتفضل كل حياتك عايش جوة دولاب الذكريات وكل شوية تتطلع منها حاجه وتدمر نفسيتنا زيادة ايه الاصعب وايه اللي ممكن يكون فيه الحل وايه الاهم بالنسبة لك

الخلاصة

لازم تبقى عارف ان الماضي ده ذكريات عدت من فترة طويلة قوي ومش هترجع تاني انت بس اللي تقدر ترجعها وطالما ان القرار بايدينا يبقى نرجع الحلو  بس ومانرجعش الوحش مش مهم ايه اللي حصل معاك او حصل ازاي او الذكرى دي عاملة ازاي المهم اللي حصل ده انت شايفه ازاي طب ماممكن اللي حصل ده يكون حصل بطريقة ايجابية وانت شوفته بطريقة سلبية يعني المشكلة في طريقة نظرتك للموضوع حاول دايما تنظر لنص الكوباية المليان مش الفاضي ماتحاولش تضايق نفسك كتير. الفترة اللي جاية ان شاء الله هنتكلم عن مشاكل بتحصلنا في حياتنا وازاي نحلها بطريقة بسيطة وسهلة وعلمية من اكتر من بحث واكتر من كتاب بطريقة جميلة جدا ان شاء الله ولو  فيه اي مشكله تحب ان انا اتكلم فيها ياريت تكتبها في تعليق او رساله عالخاص عن طريق البريد الالكتروني وان شاء الله هنحلها بشكل كافي ووافي 

اتمنى اكون وصلت الموضوع بشكل بسيط  ومفيد  

                                                                    

                                                             **  وشكرا جزيلا  **

د / محمد عرابي 

اغتصاب الأطفال ليس مرض نفسي Child rape is not a mental illness

  مبدأيا كده لازم أنوه على نقطتين                                                          In principle, I have to make two points

مهمتين أول حاجة  أن حريتك تنتهي                                Two tasks, the first thing is that your freedom ends  

عندما تبدأ بانتهاك حرية الآخرين                                           When you start violating the freedom of others

بمعنى أنك حر مالم تضر  أما إذا                 In the sense that you are free as long as you do not harm either

كانت أفعالك تضر غيرك فهنا لابد                                            If your actions harm others, they must be here

 من التدخل ومحاسبة هذا الشخص                             From interfering and holding this person accountable

 والحاجة التانية وهي القدرة العقلية                                                                The second need is mental ability

 وهذه على أساسها نحدد إذا كان                                                                          On this basis, we determine if

المريض عنده القدرة العقلية انه ياخد                                      The patient has the mental ability that he takes

 علاجه أو انه مسئول عن تصرفاته                                                 Treat him or be responsible for his actions

لو عمل اي مشكلة او اي جريمة                                                    If he committed any problem or any crime,

ومش اي انسان مريض نفسي يعني                                                     And not any mentally ill person, I mean

 انه فاقد للاهلية ويرفع عنه العقاب                                           He is incompetent and the punishment is lifted

مهما فعل لا هذا خطأ بحجة انه                         Whatever he does, no, this is wrong, on the pretext that he is

مريض نفسي ومثال ذلك أن انسان                                Psychiatric patient, for example, that a human being

سريع الغضب والعصبية فتشاجر مع                                      Quick to anger and nervous, so he quarrels with

رجل فقتله فهل هذا يعتبر مريض نفسي ؟                       ? A man killed him, is this considered a mental illness 

 ولا يعاقب لا وذلك لأن العصبية لا تفقده        And he is not punished, because nervousness does not lose him

السيطرة على نفسه                                                                                                                  control himself

ماهو حب ممارسة الجنس مع الاطفال؟                                                      What is the love of sex with children

يعني شخص بالغ عاقل عنده                                                                                           It means a sane adult

ميول جنسي للاطفال                                                                                        Children's sexual orientation

والموضوع بيكون مستمر                                                                                And the topic will be ongoing

معاه من فترة طويلة                                                                                                with him for a long time

ويكون وصل لدرجة أنه                                                                      And it has reached the point where it

موبايله او جهاز الكمبيوترالخاص به                                                                         His cell phone or computer

ملئ بالافلام الاباحية لانها تثيرهم جنسيا                Full of pornographic films because it excites them sexually

والاسباب التي تجعله يحب ممارسة                                                     And the reasons why he loves to exercise

الجنس مع طفل ليس معروف سببابعينه                                                     Sex with a child with no known cause

هناك اضطرابات نفسية كثيرةلانستطيع                      There are many psychological disorders that we cannot

تحديد سببها لكن من نتائج الابحاث                                Determine its cause, but from the results of research

اتضح انه غالبا امر وراثي  في العائلة                  It turns out that it is often a hereditary thing in the family

وعلاج ذلك المرض ليس من السهل                                                                It is not easy to cure this disease

ان يذهب احد للدكتور ويفضح نفسه                                For someone to go to the doctor and expose himself

فغالبا يكون في السجن اذا قبض عليه متلبسا                           He is often in prison if he is caught red-handed

لان الشخص الذي يسجن في قضية كهذه                 Because the person who is imprisoned in a case like this

يتم علاجه اجباري في السجن وبيكون                                        Compulsory treatment in prison and will be

عبارة عن شقين اولا علاج سلوكي معرفي           It consists of two parts, first, cognitive behavioral therapy

يعني نحاول نفهمه خطورة هذا الفعل             I mean, we are trying to understand the seriousness of this act

وماهي ابعاده وانه يضع نفسه مكان الضحية                        What are his dimensions and that he puts himself in the place of the victim

وان يتخيل الضحية حياتها بتتدمر ازاي بسببه                    And if the victim imagines her life being destroyed because of him

وبياخد علاج هرموني يعني بيتخصوا كيميائيا   And he takes hormonal treatment, that is, they are chemically castrated

وليس شرطا ان ينتهي الشخص المغتصب                                                  It is not a condition for the rapist to end

بعد العلاج لانه كما قلنا ليس مرض يفقد   هAfter treatment because, as we said, it is not a disease that loses it

الاهليه وعدم التحكم والا كان استجاب للعلاج

Eligibility and lack of control, otherwise he would have responded to treatment

لكن اذا اتضح بعد الفحص الطبي انه يعاني من فصام But if it turns out after the medical examination that he suffers from schizophrenia,

فهذا يعتبر مجنون ولا يحاسب ولكن يحجز في مستشفى طب نفسيThis is considered crazy and is not held accountable, but is detained in a psychiatric hospital

وهناك بعض الدراسات وجدت بعض الصفات في الأشخاص دي، زي انهم قصار القامة وبيكتبوا باليد اليسرى ومستوى ذكائهم اقل من العامة. طبعا ده مش شرط اساسي لكنها مجرد ملاحظات لبعض الدراسات.

There are some studies that found some characteristics in these people, such as that they are short in stature, write with the left hand, and their level of intelligence is lower than that of the general public. Of course, this is not a prerequisite, but it is just notes for some studies.

د / محمد عرابي                                                                                                                Dr. Mohamed Orabi

شلل النوم {الجاثوم}

 ماهو شلل النوم، او ما يعرف بالجاثوم:

اللي بيحصل ان الانسان اثناء النوم بيلاقي نفسه صاحي وغير قادر تماما على الحركة وكأنه في حالة شلل، واحيانا بتكون الحالة دي مصاحبة ببعض الكوابيس او الهلاوس كرؤية اشباح او غيره.

الحالة دي ماهي الا اضطراب من اضطرابات النوم، وليس مس شيطاني كما يتخيل البعض.

سبب حدوث الحالة هو مرحلة الانتقال من النوم الحالم REM sleep ( حيث يكون الجسم طبيعيا في حالة شلل) الى مرحلة النوم الغير حالم NREM sleep ( حيث يبدأ الجسم في استعادة القدرة على الحركة طبيعيا).

اللي بيحصل في الحالة دي ان الجسم مش بيستعيد القدرة على الحركة كما هو متوقع، فا يكون الانسان في مرحلة اليقظة بدون القدرة على الحركة، وده طبعا بيسبب رعب للاشخاص دي والشعور بضيق النفس والبعض بيعتقد انه بيحتضر وبيساهم في كدة الافكار المتوارثة ان ده مس شيطاني وكدة.

طب ايه السبب اللي يخلي الجسم يفقد القدرة على الحركة اثناء الانتقال من النوم الحالم الى النوم الغير حالم!!!

الحقيقة في اسباب كتير، منها:

١.قلة النوم،

٢.تغيير مواعييد النوم زي ال shift work ،

٣.اسباب وراثية،

٤.بعض الاضطرابات النفسية زي التوتر واضطراب ثنائي القطب BMD

٥.النوم على الظهر.

طيب العلاج ايه!!

في اغلب الحالات مافيش علاج وبنطمن المريض ونشرحله ان دي مش حاجة خطر ولا حاجة، وبننصح الناس بتنظيم مواعيد النوم واخد القسط الكافي من النوم، وتجنب النوم على الظهر.

لو فيه سبب نفسي زي التوتر او اضطراب ثنائي القطب، بندي المريض ادوية لعلاج هذا السبب.

د/محمد عرابي